Gwersi Offerynnol a Lleisiol
Mae Canolfan Gerdd William Mathias yn cynnig hyfforddiant o’r ansawdd uchaf ar amrywiaeth eang o offerynnau a’r llais yn ei chanolfannau yng Nghaernarfon, Dinbych, Pwllglas ac arlein.
Daw cannoedd o ddisgyblion – yn blant ac yn oedolion, trwy ein drysau bob wythnos i gael gwersi gan ein tîm o diwtoriaid profiadol.
Gweithdy Gwerin i Blant a Phobl Ifanc
23 Mehefin @ 3:30pm – 7:30pm, Capel y Drindod Pwllheli
Ydych chi’n hoffi canu neu chwarae’r delyn, neu’r ddau? Yna dewch i weithdy i delynorion a chantorion i ddysgu alawon gwerin Cymreig gyda Elinor Bennett a Gwenan Gibbard.
Agored i blant 8oed+, Cymraeg fydd iaith y gweithdy yma.
3:30 – 6:30 Gweithdy, 6:45 – 7:30pm Perfformiad anffurfiol i deulu a ffrindiau.
Ffi y gweithdy £10, (gostyngiad 20% i frodyr a chwiorydd), Perfformiad am ddim.
Nifer cyfyngedig o lefydd ar gael, felly cyntaf i’r felin! (Dyddiad cau i gofrestru 17 Mehefin).
Plethu Cerddoriaeth Cymru ac Wcrain
Уельсько-український музичний проект
Cyfres o weithdai yn plethu cerddoriaeth a diwylliant Cymru ac Wcrain gyda Alla Lemishenko, Mared Emlyn ac artistiaid eraill.
15-16 Ebrill 2025
16-20 Hydref 2025
Camau Cerdd
Mae Camau Cerdd yn brosiect ar gyfer plant ifanc.
Mae’r dosbarthiadau wedi eu llunio’n ofalus gan Marie-Claire Howorth er mwyn rhoi’r cychwyn gorau posib a sylfaen cerddorol cadarn i’ch plentyn.
Cynhelir dau grŵp: Camau Cerdd (i blant 15mis – 3oed) a Camau Nesaf (i blant 4 – 7 oed).
Y Newyddion Diweddaraf
Elinor y delynores arbennig yn ffarwelio mewn steil
Bydd sylfaenydd gŵyl delynau ryngwladol yn dweud hwyl fawr mewn steil gyda ffarwel hir. Y delynores enwog Elinor Bennett fydd canol y llwyfan mewn cyngerdd arbennig i lansio Gŵyl Delynau Ryngwladol Cymru y gwanwyn nesaf. Cynhelir y cyngerdd lansio yn Neuadd Pritchard...
O Dresden i Dregaron
Braf gweld y bydd dau o'n cyn-ddisgyblion disglair, Gwenno Morgan a Patrick Rimes, yn rhan o'r noson arbennig yma…. Pedwar Premier Byd - Beethoven, ap Sion, Guto Puw a Rimes Eisteddfod Tregaron 2022 Ar droad y bedwaredd ganrif ar bymtheg, anfonodd yr Albanwr George...
